Партизан го одигра можеби најдобриот меч во пролетниот дел од сезоната во српското првенство и победи со 3:1 на гости во Бачка Топола против ТСЦ, во дербито од 33. коло. Со овој триумф, Партизан стигна до 61 бодови и ги задржа шансите да се бори за второто место на табелата, каде моментално се наоѓа токму ТСЦ Бачка Топола (65 бодови).
За второто место на табелата кое води излез во Лигата на шампиони мечтаат и Чукарички кој има 65 бодови, како и екипата на Војводина која е на петото место со 61 бодови. До крајот на шампионатот остануваат уште пет кола.
