Поранешниот капитен на американскиот Дејвис куп тим, Патрик Мекинро, даде контроверзна изјава во својата радиоемисија кога ги спореди машкиот и женскиот тенис.
Егзибицискиот натпревар одигран претходно оваа година помеѓу Арина Сабаленка и Ник Кирјос ја разгоре дебатата околу машкиот и женскиот тенис во таканаречената „Битка на половите“.
Мекинро смета дека разликата е огромна и дека „ако го ставите најдобриот јуниор на светот, најдобриот 17-годишник против Сабаленка, тој би ја победил со 6-1, 6-1 или нешто слично“.
И покрај ова, тој тврди дека е голем обожавател на женскиот тенис.
„Не го велам ова за да го омаловажам женскиот тенис, го сакам женскиот тенис. Ако има добар натпревар, ќе го гледам повеќе отколку машки натпревар ако е нерамноправен“.
