Фудбалските симпатизери во Африка го одбраа идеалниот тим на континентот, кој важи за најсиромашен, но е пребогат со фудбалски ѕвезди и е еден од најсилните тимови на сите времиња.
Пеколно добро во дрим-тимот за 21 век изгледа офанзивниот дел со покерот големи фудбалски ѕвезди, Дидие Дрогба, Самуел Ето, Мохамед Салах и Садио Мане.
Во средниот ред се Јаја Туре и египетската фудбалска икона Мохамед Абутрика, кој беше осомничен за тероризам во својата земја, но потоа во текот на истрагата беше потврдено дека не бил активист на терористичка организација.
На голот е Ел Хадари од Египет, а во одбраната се уште тројца поранешни играчи на Фараоните, Моавад, Фати и Гома. Актуелниот репрезентативец на Сенегал и соиграч на Елмас во Наполи, Калиду Кулибали е исто така член на идеалниот тим на Африка за овој милениум.
