Црвена ѕвезда е шампион во АБА лигата, откако во спектакуларен петти меч, во речиси полната сала „Пионир“ во Белград, славеше против Будуќност со 67:60, во решавачката мајсторка од финалната серија.
Фактот дека Ѕвезда пред финалето имаше еден меч повеќе на свој терен, на крајот се покажа како одлучувачки. Црвена ѕвезда поведе со 2:0 во победи, а Будуќност во Подгорица ги доби следните два дуели и израмни на 2:2, па победникот мораше да се решава вечерва.
Мечот за титула беше без многу поени и неизвесен до самиот финиш. Црвена ѕвезда почесто беше во водство во првото полувреме, а по 20 минути беше 33:28 за домаќините. И во третата четвртина, Црвено-белите постојано водеа, но ниту еднаш со повеќе од седум поени (41:34). Во решавачката последна четвртина, домаќините постојано имаа водство меѓу пет и девет поени.
Loooyd 🔥🔥🔥
— KK Crvena zvezda (@kkcrvenazvezda) May 28, 2021
На страна на Ѕвезда беше и поддршката од трибините. Домашните фанови направија пеколна атмосфера и воопшто не делуваше дека ова е дуел кој се игра во време на пандемија. Едноставно во салата „грмеше“ поддршка за Црвена ѕвезда, а на крајот тоа се исплатеше, бидејќи титулата од АБА лигата по петти пат завршува во витрините на гигантот од Белград.
THE END: @kkcrvenazvezda beat @KKBuducnostVOLI in Game 5 to clinch the 2020/21 #ABALiga title! 🏆#ABAPlayoffs pic.twitter.com/0BYKwLN2h0
— ABA Liga (@ABA_League) May 28, 2021
