Пари Сен Жермен ќе игра против Манчестер јунајтед во најатрактивниот меч од осминафиналето во Лигата на шампионите. Тоа ќе биде и дуел на двајцата најдобри фудбалери во изминативе 15-тина години. Лионел Меси со ПСЖ ќе се обиде да го елиминира Кристијано Роналдо со Манчестер јунајтед.
Второто дерби од оваа фаза ќе биде меѓу Атлетико Мадрид и Баерн Минхен, додека среќа во ждрепката имаа Реал Мадрид, Јувентус, Челзи и Манчестер сити, кои реално добија противници што треба да ги елиминираат.
Сите учесници во нокаут-фазата имаат освоено вкупно 34 европски титули, а Реал Мадрид е рекордер со 13 трофеи.
Првите мечеви од осминафиналето ќе се играат на 15, 16, 22 и 23 февруари, а возвратните мечеви ќе се играат на 8, 9, 15 и 16 март. Финалето во ЛШ оваа сезона ќе се игра во Санкт Петербург на 28 мај 2022 година.
Двојки за осминафиналето:
Бенфика – Реал Мадрид
Вилјареал – Манчестер сити
Атлетико Мадрид – Баерн Минхен
Салцбург – Ливерпул
Интер – Ајакс
Спортинг – Јувентус
Челзи – Лил
ПСЖ – Манчестер јунајтед
