Вулверхемптон направи пресврт со два гола во второто полувреме и со победа од 2:1 на гостински терен експресно му се реваншираше на Саутемптон за елиминацијата од ФА купот пред три дена.
Популарните Светци поведоа со голот на Дани Ингс во 25. минута и најавија дека ќе ја прекинат серијата од пет порази во англиското првенство, но на крајот стасаа и до шестка неуспеси, со дури 18 примени гола во последните 20 дена.
Рубен Невеш со прецизен удар од пенал, израмни на 1:1 во 53. минута, а за целосен пресврт се погрижи Педро Нето со нов погодок за Волците во 66. минута. Постигна прекрасен гол, по одличниот соло продор во шеснаесетникот на домаќините.
https://twitter.com/SeanGillen9/status/1360945888588357633?s=20
Двајцата Португалци му ја донесоа осматта победа на Вулверхемптон во Премиерлигата и скок за две позиции на 12. место со 30 бодови.
Саутемптон продолжи со лошите претстави во англиското првенство и шесттиот пораз по ред ги доведе до пад на 13. позиција со 26 бода.
