Њу Орлеанс пеликанс го изненадија тимот на Хјустон рокитс со 121:116. „Пеликаните“ без најдобриот поединец, Ентони Дејвис славеа на гостувањето на Тексас и ја прекинаа мини-серијата од три порази.
Џејмс Харден заврши со 37 поени и 11 скока, а за него е 24-ти меч во низа на кој постигнува 30+ поени. Џахил Окафор ги предводеше пеликанс со дабл-дабл од 27 поени и 12 скока.
Оклахома го совлада Орландо со 126:117 за вкупно 32-ра победа сезонава. Пол Џорџ и Расел Вестбрук ги предводеа тандерси до ново славје, а Расел на оваа средба го оствари 121-от трипл-дабл учинок во кариерата.
Мечот го заврши со 23 поени, 14 скока и исто толку асистенции, додека Џорџ беше најефикасен со 37 поени. Вучевиќ со 27 поени и 11 скока беше најрасположен играч на Орландо.
Резултати НБА:
Хјустон рокитс – Њу Орлеанс пеликанс 116:121
Орландо меџик – Оклахома сити тандер 117:126
Кливленд кавалирс – Вашингтон визардс 116:113
Детроит пистонс – Милвоки бакс 105:115
Бруклин нетс – Чикаго булс 122:117
Сан Антонио спарс – Феникс санс 126:124
ЛА лејкерс – Филаделфија севенти сиксерс 105:121
