Пелистер се пофали со уште едно српско засилување за вториот дел од сезоната во Првата македонска фудбалска лига.
Се работи за 20-годишниот фудбалер Михајло Петровиќ, кој во Пелистер доаѓа на позајмица од ОФК Београд до крајот на сезоната.
Петровиќ е офанзивен играч за врска кој потекнува од фудбалската школа на Партизан, а ги минал и сите младински категории на српската репрезентација.
Тој доаѓа на барање на тренерот Милан Стојановски, кој го познава фудбалерот од периодот поминат во Телеоптик.
