Еурофарм Пелистер со убедливи 37-27 славеше над црногорски Ловќен од Цетиње во второто коло од Регионалниот ракометен турнир во Скопје. Актуелниот шампион на Македонија не виде мака против црногорскиот претставник, па освен израмнетиот почеток, во продолжение доминираа.
Битолчани на полувремето имаа водство од 16-13, а предноста во вториот дел постојано растеше. На вториот денешен меч играат Вардар и Војводина, па освојувачот на трофејот ќе се рече во сабота од 21 часот, за кога е закажано вечното македонско дерби.
На женскиот дел од турнирот, на првиот денешен меч, Будуќност од Подгорица славеше со 32-23 над Металург Автокоманда.
