Екипата на Пелистер се израдува на првата победа сезонава. Требаше да поминат 24 коло за битолчани конечно да слават во Прва лига. На свој терен, Пелистер со 2:0 ја победи Брегалница.
Љамчевски во 23 минута ја најави победата, а триумфот беше подврден со гол во 89 минута.
Ако Пелистер направи изненадување, во останатите мечеви беа постигнати очекувани резултати. Академија Пандев со 2:1 славеше на гости кај Тиквеш и тоа со голот на Томовски во 90 минута. Претходно Велиновски погоди за водство на гостите, а Нгоба израмни на 1:1 во 54 минута. На овој меч во првиот дел имаше една спорна ситуација кога не беше признат гол за Тиквеш во една спорна ситуација.
Шкендија немаше проблеми и со 2:0 победи на гости кај Скопје, додека Македонија Ѓорче Петров минимално со 1:0 го победи Борец. Ренова на свој терен со 2:1 беше подобар од Работнички.
Табела: Шкупи 58 бодови, Академија Пандев 48, Шкендија 47, Македонија Ѓорче Петров 43, Ренова 36, Брегалница 36, Работнички 31, Струга 30, Скопје 22, Тиквеш 21, Борец 13, Пелистер 10.
