Синоќешното финале на ЕВРО 2020 во кое Италија ја победи Англија на пенали, постави рекорд на гледаност на телевизија кај британската публика, а пикот биле пеналите кои одлучуваа за титулата.
Објавено е дека дури 30,95 милиони жители на Обединетото Кралство ги гледале пеналите, и тоа е најголема гледаност на ТВ во државата од погребот на принцезата Дијана во 1997 година наваму. Речиси 30 милиони го гледале целиот тек на мечот, а при пеналите, бројката отишла и над 30 милиони.