Перес не прифаќа пораз, ќе ја тужи УЕФА за попречување да се формира Суперлигата
Воедно ќе спроведе санкции против клубовите кои се откажаа од проектот
Флорентино Перес не попушта во намерата да се формира Суперлигата порано или подоцна, а воедно планира да поднесе тужба против УЕФА за попречување проектот да се оствари.
Пред точно седум дена 12-те најбогати клубови во Европа склучија договор со кој го најавија новото елитно натпреварување од затворен тип, но целата идеја пропадна за помалку од 48 часа по повлекувањето на англиската шестка. И за клубовите кои се предомислија се подготвуваат санкции, бидејќи Перес од претходно потврди дека не може да се поништи веќе потпишаниот договор меѓу гигантите од Англија, Шпанија и Италија.
Според Флорентино, УЕФА без право се замеша во нивниот проект и ќе ја тужи Европската фудбалска куќа, која пак исто така најави санкции за клубовите кои сè уште се надеваат дека проектот ќе се реализира.
