Еден од најискусните во македонската репрезентација, Жарко Пешевски е задоволен од победата над Гвинеја, иако признава дека не било така лесно како што се очекуваше пред мечот.
„Не беше рутински, но најважно за нас е дека на крајот победивме и ја израдувавме македонската јавност. Отворивме потешко од очекуваното, малку бевме во грч. Сепак, искуството и нашиот квалитет на крајот го решија мечот. Заслужено победивме и се пласиравме во втората фаза“, вели Пешевски.
Што се однесува до таа втора фаза, Македонија ќе игра против Катар, Австрија и Франција, а Пешевски најавува дека навивачите може да очекуваат нови радости.
„Ни следуваат одлични противници. Тоа се сериозни ривали. Сепак, со огромна наша подготвеност, и да продолжиме да се бориме во ист ритам како ддосега, мислам дека ќе продолжиме да ја радуваме публиката“, оптимист е искусниот пикер на македонската репрезентација.
