Мобилниот телефон „ајфон 11“ уште го чека својот нов сопственик, а секој од играчите на Спортска прогноза има шанса да атакува на овој вреден подарок од Sport Life. Ваше е само да ги дадете вашите прогнози за 13-те понудени двојки за ова 33-то коло на бесплатната игра.
Во ова коло на понудата има дури пет од 12-те екипи кои најавија дека ќе бидат дел од несудената Суперлига на богатите. Челзи го очекува гостување кај градскиот ривал Вест хем, дуел на две екипи кои имаат по 55 бодови и се во борба за место кое води во Лигата на шампионите.
Манчестер сити и Тотенхем ќе играат во финалето на Лига купот, а над 80 отсто веруваат дека Граѓаните ќе победат, и тоа по 90 минути игра. Лидс на Езџан Алиоски ќе биде домаќин на Манчестер јунајтед, а Милан го чека дерби во Рим на „Олимпико“ против Лацио.
За освојување на „ајфон 11“ потребно е да имате Среќна 13-ка, односно да ги погодите сите 13 фиксови на понудените мечеви. За 12-ка следува вредносен ваучер од Sport Life од 1.000 денари, додека за 11 погодоци вредносниот ваучер е 500 денари.
