На НХЛ тимот од Торонто, добро му дојде паузата од пет дена, па релативно лесно дојде до победата над Колумбус, кој играше втора вечер по ред. Џон Таварес даде два гола, а резервниот голман Гарет Спаркс имаше 27 одбрани, и беа најзаслужните за победата. Патрик Марло од Мејпл лифс го одигра својот 1.613-ти меч во НХЛ кариерата, со што се искачи на 10-тото место на вечната листа. Екипата од Торонто има пет победи по ред, а за Блу џекетс заврши низата од пет триумфи едноподруго.
„Сенаторите“ од Отава примија шест гола на гостувањето кај Њујорк ајландерс од кои пет по ред, после водството на гостите од 3-1, а Метју Барзал имаше два гола и асистенција, како играч на мечот. „Островјаните“ имаат пет победи на последните шест меча.
Ефикасно беше и во Флорида, каде што гостите од Канада, предводени од Томас Татар дадоа пет гола. Канадиенс имаат три победи по ред.
РЕЗУЛТАТИ: Колумбус – Торонто 2:4, Флорида – Монтреал 3:5, Њујорк ајландерс – Отава 6:3.
