Стефанос Циципас ја преживеа драмата во Њујорк и во долг тениски маратон го победи Енди Мареј со 3:2 во првото коло на Отвореното првенство на САД.
Гркот, кој е трет носител, беше на работ на елиминација откако губеше со 2:1 во сетови од поранешниот шампион на турнирот, но успеа да направи пресврт и да слави со 2:6, 7:6, 3:6, 6:3, 6:4 во меч што траеше 4 часа и 44 минути.
Шкотот беше незадоволен од однесувањето на ривалот, кој имаше неколку паузи од по 7-8 минути, па дури и реагираше кон судијата. Претходно, Александер Зверев го обвини Циципас дека намерно оди во тоалет со долги паузи и дека мами и добива инструкции по телефон од својот татко, нешто што е недозволено на тениските турнири.
Andy Murray clearly unhappy with Stefanos Tsitsipas' extended toilet breaks! Lashes out at the supervisor#USOpen pic.twitter.com/24haG7r7g0
— Lakshya Chopra (@LakshyaNotLaksh) August 30, 2021
Енди Мареј моментно е 112-ти тенисер на светот откако беше и број 1, но поради подолга пауза и повреди не играше и падна на АТП ранг-листата. Шкотот одигра извонреден меч, а по поразот изјави дека правилото за паузи во текот на натпреварите во тенис мора да се сменат.
Andy Murray on Stefanos Tsitsipas leaving the court: pic.twitter.com/6QJ3PAUWqa
— Jill Martin (@ByJillMartin) August 31, 2021
Двајцата тенисери речиси едвај се поздравија по завршувањето на маратонот, што го одведе Циципас во второто коло на последниот гренслем-турнир во сезоната.
That winning moment.@steftsitsipas battles past Andy Murray in five tough sets. pic.twitter.com/zpRX20bzSj
— US Open Tennis (@usopen) August 30, 2021
