Жарар Пике и Антоан Гриезман си разменија по некоја пцовка на „Камп ноу“, а паника во редовите на Барселона имаше уште при резултат од 1:1 во поразот од 1:4 против расположениот гостин од Париз.
Пари Сен Жермен ги декласира домаќините со три гола разлика, а дека нешто не штима кај шпанскиот гигант, потврди и жешката конверзација меѓу Пике и Гриезман во 38-мата минута.
„Дајте да ја задржиме топката подолго во посед. Ова е пекол, ни треба да се ослободиме од притисокот“, ги советуваше Пике своите соиграчи.
Гриезман се обиде да го смири, но конверзацијата прерасна во конфликт, па имаше и пцовки. Пике на крајот му забележа дека дефанзивците трчаат како луди за да ги сопрат Мбапе и останатите опасни офанзивци на ПСЖ, на што Гриезман одговори со: И јас трчам исто како и ти.
Piqué: “Just one f***ing long possession, f**k!”
Griezmann: “Calm down, stop yelling…your mother’s c**t.”
Piqué: “No, your mother’s c**t, we are suffering and running like crazy people.”
— Zach Lowy (@ZachLowy) February 16, 2021
Во продолжение од мечот беше уште полошо за Барселона, расположениот Килијан Мбапе беше вистинска енигма за домаќините, постигна уште два гола и со хет-трик и буквално ја здроби Барселона.
Реваншот ќе се игра на 10 март во Париз, а на Шпанците им треба победа од четири гола разлика за да се пласираат во четвртфиналето во ЛШ, можат да победат со 4:1 за да се изборат за продолженија или да слават со три гола и притоа да постигнат најмалку пет гола.
