Жарарт Пике е подготвен за враќање на фудбалскиот терен, три месеци по повредата, повторно тренираше нормално со екипата на Барселона и ставен е на листата на кандидати за настап вечерва во осминафиналето од Лигата на шампионите против ПСЖ.
Мислењата на аналитичарите и навивачите се поделени околу темата дали Пике треба да игра. Пике не само што е столб на одбраната на каталонскиот тим, туку и неговото присуство, лидерство и искуство се важни за Барса. Пике е опасен и во напад, има подобра техника од останатите дефанзивци, никогаш не бил елиминиран во осминафинале, осми е на вечната листа по бројот на мечеви во ЛШ и не е спорно дека многу значи.
Но, и тренерот Роналд Куман е свесен каков ризик ќе преземе ако го фрли во оган Пике уште вечерва, по пауза од три месеци. Евентуално обновување на повредата на лигаментите на коленото може да значи и крај на сезоната, па дури и на кариерата на Пике.
Тој не е во натпреварувачки ритам, а потребно е веднаш да го даде максимумот бидејќи ПСЖ има опасно напаѓачко трио со многу брзите Килијан Мбапе и Мојзе Кен, како и Мауро Икарди, кој би требало да добие шанса бидејќи Нејмар е повреден.
