Филипо Инѕаги своевремено беше страв и трепер за голманите низ Серија А и Европа. Популарниот Пипо имаше многу успешна фудбалска кариера во која освои бројни трофеи со Јувентус и Милан, а славеше и светска титула со Италија во 2006 година.
Сепак, за неговата тренерска кариера не може да се каже истото. Како стратег прв предизвик му беше токму тимот на Росонерите, меѓутоа не се покажа во добро светло, па од тогаш кариерата му оди во надолна линија, работејќи во Беневенто, Венеција, Болоња и Бреша.
За разлика од него, брат му Симоне Инѕаги беше просечен фудбалер и запиша само три настапи за Аѕурите, но како тренер е неколку нивоа подобар од својот 9 години постар брат. Симоне со Лацио ги Купот на Италија и Суперкупот, истото го стори изминатава сезона со Интер и до последното коло се бореше за Скудетото.
Во меѓувреме, Филипо треба да одлучи што ќе прави со својата иднина, откако доби три понуди за повторно да работи во Серија Б по отказот од Бреша. Калјари, Асколи и Пиза се екипите кои ги посакуваат услугите на Инѕаги, па во најскоро време треба да реши каде ќе ја оживува тренерската кариера.
