Оскар Пјастри оствари победа на Големата награда на Холандија на патеката Зандворт. Австралискиот возач поведе од самиот старт, го задржа водството при сите рестартирања по инцидентите и секојпат кога предноста се намалуваше, го зголемуваше темпото за да одговори на предизвикот.
Брзината на Мекларен беше толку силна што тој и Ландо Норис водеа борба за врвот, а никој не можеше да им се приближи целата трка, сè до десет круга пред крајот, кога Ландо се откажа поради технички проблем. Тоа му овозможи на Макс Ферстапен (Ред Бул) да заврши на второто место, а Исак Хаџар (Рејсинг Булс) да стигне до топ 3.
Ферстапен се обиде со стратегија да промени нешто, но гумите премногу брзо му се трошеа за да се носи со болидите на Мекларен. Хаџар возеше осамено, но беше исклучително стабилен.
Големата награда на Холандија се претвори во вистински кошмар за тимот на Ферари. Најпрво Луис Хамилтон излета од патеката, а потоа Андреа Кими Антонели удри во Шарл Леклер, што значеше двојно откажување за Скудерија.
