Иско Аларкон ја завршува деветгодишната епоха со Реал Мадрид, потврди денес актуелниот шпански и европски шампион.
Шпанскиот плејмејкер како слободен играч заминува од „Сантијаго Бернабеу“ по истекувањето на договорот, а од навивачите се прости на најдобар можен начин освојувајќи ги двете најзначајни титули во изминатата сезона.
Comunicado Oficial: @isco_alarcon.#RealMadrid
— Real Madrid C.F. (@realmadrid) June 1, 2022
Иско во Мадрид пристигна како 21-годишен талент од редовите на Малага, од него се очекуваше многу, но чести повреди и недоверба кај тренерите не му гарантираа место во стартниот состав. Сепак, издржа речиси една деценија во редовите на Кралскиот клуб освојувајќи дури 19 трофеи, од кои 5 се во Лигата на шампионите.
Претходно денес Кралевите се простија и со Герет Бејл, кој исто така го напушти клубот по завршувањето на соработката.
