Голманот на ПСЖ, Александре Летелие, бил нападнат и ограбен во неговиот дом, и тоа додека бил заедно со сопругата и двете мали дечиња.
Полицијата експресно реагирала и уапсила тројца од четворицата напаѓачи, од кои двајца биле малолетни, по што обвинителството веднаш поднесе кривична пријава за киднапирање и обид за изнуда со оружје.
Според полицијата, сопругата на голманот добила тупаница во лицето, а напаѓачите им се заканиле со нож со цел да им ги одземат парите и накитот.
Алармот се активирал околу два часот утринава и по заминувањето на арамиите, голманот и сопругата ја контактирале полицијата.
„Алармот се активирал, а полицијата и обезбедувањето на ПСЖ реагирале експресно и ги пронашле напаѓачите“, изјавил неименуван извор од полицијата.
Ова не е прв напад на играч на ПСЖ годинава. Пред неколку месеци, во домот на првиот голман на Светците, Џанлуиџи Донарума, исто така упаднале крадци, кои ги заврзале голманот и неговата девојка и потоа ги „олесниле“ за 500.000 евра. Пред две години ограбен беше и таткото на капитенот на ПСЖ, Маркињос.
PSG goalkeeper Alexandre Letellier was violently robbed at his home last night.
The criminals broke into his home and threatened Letellier, his wife and their two children with a knife demanding money and jewelry.
His wife even got punched in the face while holding their… pic.twitter.com/RGufY3o2hd
— PurelyFootball ℗ (@PurelyFootball) December 19, 2023
