Ливерпул ја продолжи перфектната серија во англиската Премиер лига, откако стигна до осмата победа во осмиот меч сезонава. Избраниците на Јирген Клоп се израдуваа на триумф од 2:1 против Лестер и тоа со гол во последните секунди од мечот. Садио Мане погоди во 40 минута и стигна до 50 погодок во Премиер лигата.
Домаќините ја имаа контролата на играта, но на крајот се случуваше драма. Лестер стигна до гол и тоа со првиот упатен удар во рамките на голот на домаќините. Мадисон погоди во 81 минута и се чинеше дека тоа ќе биде конечен резултат. Сепак, Ливерпул покажа дека има шампионски карактер и не се предаде. Во судиското надополнување беше досуден пенал, а Џејмс Милнер погоди во 90+5 минута за голема радост на домаќините.
Во останатите денешни мечеви во Премиер лигата: Брајтон – Тотенхем 3:0, Барнли – Евертон 1:0, Норич – Астон вила 1:5, Ватфорд – Шефилд јунајтед 0:0.
