Баерн Минхен потешко од очекуваното стигна до победа на гостувањето кај Херта во Берлин, но најважно за германскиот првак е дека ги освои трите бода. Кингсли Коман со доза на среќа погоди во 21 минута, погодок кој се покажа како доволен за радост на германскиот првак.
Покрај погодокот на Коман, овој меч го одбележа и промашувањето на Роберт Левандовски. Најдобриот голгетер пропушти шанса да погоди од пенал, кога голманот на Херта, Руне Јерстејн успеа да го одбрани неговиот удар. Ова беше само втор пат Левандовски да промаши пенал во Бундеслигата. Пеналот може да го видите ТУКА.
Претходно, единствен кој му има одбрането удар од 11 метри на Левандовски беше Мануел Нојер во 2013 година, кога Полјакот го носеше дресот на Борусија Дортмунд.
2 – Rune Jarstein (@HerthaBSC_EN) is only the 2nd Bundesliga keeper to save a penalty by Robert Lewandowski. The first was Manuel Neuer in 2013, when facing Lewandowski, who played for Dortmund back then. Surprise. #BSCFCB #Bundesliga pic.twitter.com/BmBMlmEWAu
— OptaFranz (@OptaFranz) February 5, 2021
На снежниот терен во Берлин, гостите повеќе напаѓаа, создаваа шанси и на крајот заслужено ги освоија трите бода. По 20 одиграни меча, Баерн е убедливо на врвот во Бундеслигата со 48 бодови. Лајпциг е втор и заостанува 10 бода.
