За првпат од 2009 година најскапиот фудбалер на светот настапува во Премиер лигата. Според специјализираната интернет-страница „Трансфермаркт“, најскап фудбалер на светот е напаѓачот на Манчестер сити, Ерлинг Халанд, кој на листата го помина Килијан Мбапе од ПСЖ.
Според „Трансфермаркт“, вредноста на Халанд изнесува 170 милиони евра, додека Мбапе е проценет 160 милиони.
Последен најскап играч што настапувал во Премиер лигата е Кристијано Роналдо. Португалецот кој во 2009 година играше за Манчестер јунајтед го подели првото место на листата на највредни фудбалери со Лионел Меси.
