Вест хем и Брајтон одиграа без голови во синоќешниот дуел во Лондон. По ова реми, Чеканите останаа на шестото место на табелата со 34 бода, а Брајтон е веднаш зад нив со 31 освоен бод.
По синоќешниот меч, навивачите на стадионот останаа разочарани бидејќи не видоа ниту еден погодок, нешто што е вистинска реткост кога Вест хем е домаќин. За првпат по пауза од речиси пет и пол години, Вест хем на свој терен одигра без голови во Премиер лигата. Последен пат 0:0 било кога овој лондонскит тим бил домаќин во септември 2018 година, на мечот против Челзи.
Од тој дуел во 2018 година, Чеканите одиграа 101 натпревар по ред на домашен терен во првенството и секогаш барем еднаш се тресела мрежата на еден од голманите. Синоќа таа низа беше прекината.
101 – Tonight was the first time West Ham have drawn 0-0 in a home Premier League game since September 2018 against Chelsea, ending a run of 101 games at the London Stadium without one. Stalemate. pic.twitter.com/lYbhPoJRTf
— OptaJoe (@OptaJoe) January 2, 2024
