Кошаркарите на Панатинаикос се пласираа на фајнлфор турнирот во кошаркарската Евролига. Во решавачкиот меч кој се играше во Атина, Панатинаикос го победи Макаби Тел Авив со 81:72 и тоа беше доволно за 3:2 во победи.
Макаби долго време одолеваше на домашните напади и гостите во најголем дел од првите три четвртини имаше предност, но тоа водство не беше повеќе од 5-6 разлика. Тимот од Тел Авив водеше со 56:54 пред крајот на третата четвртина, а потоа ПАО со низа од 10:0 стигна до предност од 64:56, а потоа прв пат поведоа и со двоцифрена предност од 68:58, па до крајот не дозволија да има драматична завршница.
Кендрик Нун со 26 поени, четири асистенции и пет скока беше најдобар во победничкиот тим, а одличен беше и Костас Слукас со 15 поени и шест асистенции. Кај Макаби најдобар беше Лоренцо Браун со 19 поени, седум асистенции и четири скока, додека Џош Небо додаде 14 поени и седум скока.
По победата, навивачите на Панатинаикос втрчаа на теренот покажувајќи колку им значеше оваа победа.
https://twitter.com/i/status/1787942108910780657
Со оваа победа Панатинаикос на фајнлфорот се приклучи на Реал Мадрид, додека останатите два патници во завршницата ќе бидат познато по мајсторките на дуелите меѓу Монако – Фенербахче и Барселона – Олимпијакос.
Завршницата во Евролигата по трет пат ќе биде во Берлин, град кој беше домаќин и во 2009 и 2016 година.
