Македонската фудбалска репрезентација со 2:0 победи на гости во Ереван против Ерменија, во меч од четвртото коло во Лигата на нации. Ова е трета победа по ред за нашата репрезентација и сите три се без примен гол.
Никогаш претходно во претходните 31 година не се случило Македонија да победи три пати во низа и тоа без да прими гол. Оваа низа започна со триумфот од 2:0 над Ерменија во Скопје, а потоа продолжи со победата од 3:0 на гости во Рига против Летонија, за да вечерва ја победиме повторно Ерменија и тоа во Ереван со 2:0.
Последниот гол Македонија го прими на гости кај Фарски острови и тоа во 9 минута. Од тој погодок до сега, дури 351 минута Македонија е без примен гол.
