По еднонеделна пауза поради баражите за пласман на Светското првенство во Катар, од денеска продолжуваме со ново коло на Спортска прогноза. Клупските возбудувања продолжуваат, а најголемото дерби е во Серија А. Јувентус во Торино го пречекува Интер во Дербито на Италија. Јувентус има само еден бод помалку од Нераѕурите и со евентуален триумф, Старата дама и дефинитивно ќе се врати во трка за титулата.
Дерби има и во Шпанија. Барселона, која е во одлична форма, е домаќин на Севилја, а каталонскиот гигант со освојување на три бода ќе се израмни со андалузискиот тим на второто место на табелата во Примера дивисион.
Освен овие два меча во Торино и Барселона, во понудата има уште 11 дуели кои треба да се погодат за да се освои Среќна 13-ка, што е услов за освојување на главната премија, мобилен телефон „ајфон 12„.
Подароци има и за оние со 12 и 11 погодени фиксови, а тоа се вредносни ваучери од по 1.000 и 500 денари од Sport Life.
