Капитенот на Удинезе Родриго Де Паул ќе игра за Атлетико Мадрид од идната сезона, откако веќе е договорен трансфер и песгодишен договор.
Новиот првак на Шпанија ќе му плати отштета на Удинезе од околу 35 милиони евра за репрезентативецот на Аргентина. Тимот од Удине чиј член е и македонскиот репрезентативец Илија Несторовски ќе биде сериозно ослабен од идната сезона, бидејќи Де Паул беше лидерот на актуелната генерација на тимот.
Родриго моментно игра на Копа Америка за Аргентина, а ноќеска беше стрелец на првиот гол за Гаучосите во победата од 3:0 против Еквадор во четвртфиналето на турнирот.
Де Паул има 27 години и досзега настапуваше само за три клуба. Професионалната кариера ја почна во аргентински Расинг, каде во еден период тренер беше Диего Симеоне, па сега ќе соработуваат во Атлетико Мадрид.
Потоа играше и за Валенсија, па повторно за Расинг и за Удинезе. Договорот што треба да го потпише со Атлетико Мадрид ќе важи до 2026 година.