Манчестер сити го победи Арсенал, и тоа сред Лондон со 3:1, по што дојде и до смена на лидерската позиција во Премиер лигата. Со овој триумф, Граѓаните стигнаа до 51 бод, колку што има и Арсенал, но актуелниот првак е лидер иако има и меч повеќе во однос на Топчиите.
За Сити ова беше 11 првенствена победа по ред против Арсенал, што покажува каква доминација има тимот на Пеп Гвардиола.
Низ историјата на Премиер лигата ова беше само трет пат второпласираниот да го победи лидерот во меч од вториот дел од сезоната и со тоа да направи рокада на табелата во првенството. Првиот пат тоа се случи во април 2010 година, кога Челзи славеше над Манчестер јунајтед и лондонскиот тим подоцна стана првак.
Во 2012 година, повторно Манчестер јунајтед беше тимот кој како лидер загуби од тогаш второпласираниот Манчестер сити, а на крајот Граѓаните, во најдраматичната завршница во историјата на англискиот фудбал, стигнаа до трофејот.
Ако се гледа по оваа традиција, Сити е во пол позиција во однос на Арсенал.
3 – Tonight was only the third time in Premier League history that 2nd place beat 1st place in a match to overtake them in the table at least half-way into a season, after Chelsea v Man Utd (Apr 2010) & Man City v Man Utd (Apr 2012) – both of whom went on to win the title. Jump. pic.twitter.com/wN8NPltRj9
— OptaJoe (@OptaJoe) February 15, 2023
