Ливерпул продолжува да ги гази противниците во Премиер лигата. Гигантот од „Енфилд роуд“ стигна до 14-тата победа во 15-тото коло и сега има 43 од максималните 45 бодови. Ливерпул веќе три децении чека да се израдува на првата титула во првенството, а сезонава е многу блиску до остварување на сонот.
Победата против Евертон со 5:2 има посебно значење. За тренерот Јирген Клоп ова беше јубилејна 100-та победа во 159 мечa како тренер во Премиер лигата. Ниту еден тренер во историјата на Ливерпул не успеал за толку кратко време да стигне до 100 победи, како што го направи тоа Клоп.
Освен за Клоп, оваа победа за Ливерпул има големо значење бидејќи тоа е 32-ри меч по ред без пораз во Премиер лигата. Во клупската историја Ливерпул никогаш немал толку долга серија без пораз. Последен пат Ливерпул загуби во јануари оваа година, и тоа од Манчестер сити со 2:1. Оттогаш, па досега Црвените наредија 27 победи и пет нерешени средби.
32 – Liverpool are now unbeaten in 32 Premier League matches since a 1-2 defeat to Man City back in January (W27 D5) – the Reds' longest ever run without defeat in English top-flight history. Formidable. #LIVEVE pic.twitter.com/g4XkvQ6NOI
— OptaJoe (@OptaJoe) December 4, 2019
