Фудбалерите на Реал Мадрид славеа во првиот натпревар во 2024 година кој се играше во рамките на 19-тото коло од Ла Лига. Кралевите во првиот натпревар во 2024 година на „Сантијаго Бернабеу“ со 1:0 ја совладаа Мајорка, и тоа со гол постигнат во финишот.
Човек на одлука беше Антонио Ридигер, кој во 78-мата минута највисоко скокна по корнерот на Лука Модриќ и топката ја смести во мрежата на гостите.
Со оваа победа, Реал Мадрид ѝ избега на три бода на лидерската позиција на табелата на Жирона, која својот меч ќе го игра од 21.30 часот, и тоа против Атлетико Мадрид.
