По еднонеделна пауза поради репрезентативните обврски викендов се враќаат клупските возбудувања, а со тоа и возбудувањата во Спортска прогноза. Денеска од 15 часот започнува 29-тото коло и тоа е времето до кое може да прогнозираат сите оние кои уште не ги дадоа своите типови.
Вкупно 13 меча се дел од понудата, сите од Топ 5 лигите во Европа. Предизвик за сите прогнозери е да стигнат до Среќна 13-ка, односно да ги погодат сите 13 понудени мечеви, за што главната премија е мобилен телефон Ајфон 12.
Подароци во секое коло има и за оние кои ќе имаат по 12 и 11 погодени фиксови, а тоа се вредносни ваучери од по 1.000 и 500 денари од Sport Life.