Англискиот напаѓач на Баерн Минхен, Хари Кејн, вчера стигна до убава јубилејна бројка од 500 голови во својата кариера.
Кејн до ова постигнување дојде во 743 одиграни натпревари за клубовите и репрезентацијата, а точно 100 од овие 500 голови во кариерата му се од пенал.
Ако се спореди со Кристијано Роналдо и Лионел Меси, тогаш Кејн е нешто побрз од Португалецот, а доста побавен од Аргентинецот.
Роналдо го постигна својот 500-ти гол во својот 753-ти натпревар, додека Меси до таа бројка дојде во само 632 меча.
