Властите во Кенија информираа дека починал и убиецот на атлетичарката од Уганда, Диксон Ндиема Марангач. Според информациите, тој починал како последица од изгорениците со кои се здобил при нападот на олимпијката од Уганда, а кои зафатиле 30% од неговото тело.
Марангач на први септември оваа година со бензин ја поли, а потоа и ја запали неговата партнерка Ребека Чептегеи, која се здоби со изгореници на 75% од телото, а четири дена подоцна почина во болница во Кенија.
The former partner of Ugandan athlete Rebecca Cheptegei, who is accused of killing her by dousing her in petrol and setting her on fire, has died from burns sustained during the attack, the Kenyan hospital where he was being treated said. More here: https://t.co/ZiQ5N8C70L
— Reuters Sports (@ReutersSports) September 10, 2024
Причината за нападот бил спор околу земјшите кое атлетичарката го купила. Чептегеи ќе биде погребана во сабота, со највисоки државни и воени почести во родното место во Уганда, со оглед на тоа дека таа учествуваше на Олимписките игри во Париз, а беше и припадник на безбедносните служби во својата татковина.
