Членот на шампионската генерација на Бостон селтикс од 1981 година, Крис Форд, почина на 74-годишна возраст.
Веста за смртта на Форд ја потврди неговото семејство кое не соопшти повеќе детали. Медиумите неодамна објавија дека Форд доживеал срцев удар, и сега се сомневаат дека тоа е причината за смртта.
„Крис беше сакан и обожуван од семејството, пријателите, соиграчите. Тој го сакаше семејството, градот Бостон, навивачите и целото семејство на Селтикс. Ги почитуваше сите кои беа доволно среќни да бидат дел од неговиот живот“, стои во соопштението на неговото семејство.
Крис Форд е роден на 11 јануари 1949 година, а во својата кариера настапуваше за Детроит пистонс (1972-1978) и за Бостон до крајот на својата кариера (1978-1982). Потоа се префрли во тренерските води и ги водеше екипите на Бостон, Милвоки бакс, ЛА Клиперс и Филаделфија сиксерс.
Форд ќе остане запомнет како играчот што ја постигна првата тројка во историјата на НБА лигата, тоа се случи на 12 октомври 1979 година на натпреварот на Бостон против Хјустон.
RIP Chris Ford Boston Celtics legend
First 3 pointer in NBA history pic.twitter.com/jRMYjo7vnq
— White Bball Pains (@WhiteBballPains) January 18, 2023
