Британскиот арбитер Вилијам Харди почина од срцев удар на два дена пред својот 92-ри роденден, а овој човек се прослави со тоа што до својата 88-ма година од животот судеше на фудбалски натпревари.
Харди својата кариера како фудбалски судија ја почна во 1959 година, а ја заврши во 2015. Има судено повеќе од 3.000 мечеви. Во 2013 година, лично од принцот Вилијам доби медал за посветеност кон фудбалот, а има и медал на британската империја, кој се доделува по повод прославите на родендените на кралицата.
Неговите стари пријатели велат дека Харди бил талентиран фудбалер, но кога ја скршил ногата, решил да не се занимава активно со играње, туку се префрлил на судење.
