Почина Алвин Атлс, човек кој помина повеќе од шест децении како дел од Вориорс како играч, генерален менаџер и амбасадор. Имаше 87 години.
Познат како „Уништувач“ по неговиот физички стил на игра, Вориорс беа неговата единствена љубов и тимот во којшто ја помина целата своја кариера откако го избраа во петтата рунда на драфтот во 1960 година. Во 1975 година ја освои единствената титула во НБА, и тоа како тренер, прва за клубот по преселбата од источниот на западниот од САД.
Атлс беше еден од првите црни тренери во НБА, а играше на натпреварот на кој Вилт Чемберлен за Филаделфија вориорс постигна 100 поени на 2 март 1962 година. Атлс заврши со 17 поени на тој натпревар.
Тој исто така беше присутен и кога Рик Бери постигна 64 поени против Портланд на 26 март 1974 година и беше присутен кога Клеј Томпсон постигна 60 поени во три четвртини во декември 2016 година. Неговите 557 победи како тренер се најмногу во историјата на Вориорс.
