Македонската фудбалска репрезентација го одработи последниот тренинг пред утрешниот меч на гостувањето кај Гибралтар, во второто коло од Лигата на нации.
Националниот стадион на Гибралтар е специфичен, се наоѓа покрај аеродромот, па не ретко додека има натпревар, може да се случи во непосредна близина да слета или полета некој авион.
Ќе се игра на вештачка трева, но и покрај тоа што нашите репрезентативци не се навикнати на оваа подлога за игра, сепак се фаворити за победа.
