Со многу мака Валенсија ја победи Селта на „Месталја“ со голот на Карлос Солер во 77. минута, но се чини дека вечерва бодовите ги освои послабиот тим.
Селта имаше подобри шанси и играше поубаво за око, но фаворитот со многу мака сепак ги освои бодовите. Клучен момент се случи во финишот кога Родриго, кој влезе како резерва одлично со глава го проигра Солер, а акцијата на двајцата шпански репрезентативци беше крунисана со мајсторски погодок.
Валенсија со десеттата победа во Ла Лига се проби на четвртото место и има 37 бода, еден повеќе од Хетафе и Атлетико Мадрид.
Селта остана во зоната за испаѓање со 17 бода.
