Ботафого за првпат во својата историја стана шампион на Јужна Америка, откако во финалето на Копа Либертадорес го совладаа Атлетико Минеиро со 3-1. Победата на Ботафого е уште поголема ако се знае дека играа со фудбалер помалку цели 88 минути.
Грегоре направи остар старт уште во 30-тата секунда, па веднаш беше исклучен, но тоа не им пречеше на неговите соиграчи да направат подвиг и да дојдат до првиот трофеј во првото финале.
Луис Енрике во 35-тата минута донесе водство за новиот владетел на Јужна Америка, а Телес во 44-тата минута од пенал зголеми на 2-0. На стартот од второто полувреме Едуардо Варгас погоди за намалување на водството и внесе неизвесност во мечот.
Сепак, Жуниор Сантош во 97-мата минута ја искористи комплетната офанзива на Атлетико Минеиро и постигна гол за конечни 3-1.
