Една од најголемите ѕвезди на Манчестер јунајтед, Пол Погба, одигра само неколку минути во дербито против Ливерпул, а потоа беше заменет. Погба се пожали на повреда, а по направените лекарски прегледи, многу веројатно е дека Погба ќе треба да мирува еден месец, кога и ќе заврши сезоната во Англија.
Погба има договор со Манчестер јунајтед до крајот на сезоната, а потоа може слободно да си замине. Французинот најави дека нема да остане на „Олд Трафорд“, па тоа значи дека можно е Погба веќе никогаш да не го облече дресот на англискиот гигант.
Играчот за врска уште како тинејџер дојде во Манчестер, а потоа одигра седум меча за сениорскиот тим, пред да направи трансфер во Јувентус. По четири години поминати во Јувентус, Погба во 2016 година повторно се врати на „Олд Трафорд“ и за шест сезони одигра 226 натпревари во кои даде 39 погодоци.
