Светскиот шампион со Франција од 2018 година, Пол Погба, викендов ќе дебитира за Монако во Лига 1, објави „Л’Екип“.
Фудбалерот од средниот ред не одиграл официјален првенствен натпревар од 3 септември 2023 година, кога влезе од клупата за Јувентус против Емполи. Еден месец подоцна доби четиригодишна суспензија поради позитивен допинг-тест, која подоцна беше намалена на 18 месеци.
Пред една година неговиот договор со Старата дама беше раскинат, а летово потпиша двегодишен договор со францускиот Монако.
По паузата поради повреда на глуждот, се очекува Погба да дебитира на дуелот против Рен во сабота.
Монако е шестопласиран во француското првенство со 20 бода, седум помалку од лидерот Пари Сен Жермен. Тимот игра и во Лигата на шампионите, каде што по четири одиграни натпревари е на 19-тото место.
