Поранешниот играч за врска на Манчестер Јунајтед и англиската репрезентација, Пол Сколс, без задршка ја искритикува новата бламажа на фудбалската репрезентација на Италија и нивното трето последователно неучество на Светско првенство.
Тој ги спореди „азурите“ со Арсенал, истакнувајќи дека живеат од старата слава и дека играта им се сведува на индивидуални потези.
„Италија е како Арсенал меѓу репрезентациите – играат на стара слава“, изјави Сколс и продолжи:
„Немаат јасна визија како тим, сè се сведува на индивидуални акции и затоа не играат на најдобар можен начин.“
Сколс смета дека денешната Италија го нема идентитетот што некогаш ја красел.
„Ова не е Италија каква што ја знаевме од 90-тите и раните 2000-ти. Не го носат духот на играчи како Паоло Малдини, Фабио Канаваро, Андреа Пирло, Џанлуиџи Буфон и Франческо Тоти.“
Неговите зборови се само уште една во низата остри критики кон „азурите“, кои минуваат низ една од најтешките кризи во својата историја.
