Џереми Фајсон е политичар од Тенеси, кој се најде во центарот на вниманието на еден кошаркарски средношколски меч, поради неговиот испад. Републиканскиот политичар бил на трибините и го следел мечот на кој играл и неговиот син, а во еден момент не можеше да се воздржи и направи инцидент.
Лут на судиите, Фајсон влезе во теренот и почна да се расправа со арбитрите. Тие му покажаа дека мора да го напушти теренот, а политичарот во еден момент се обиде да му ги соблече пантолоните на судијата. Фајсон бил исфрлен од салата, а за негова среќа немало полиција за да го уапси. Подоцна тој се извини за испадот.
„Со години велев дека е многу лошо родител да ги загуби нервите на спортски натпревар. Тоа не е христијански, не е зрело однесување и срамота е за детето што го гледа тоа. За жал, вечерва се однесував како будала и ги загубив нервите поради судиите. Сакав да се тепам со нив. Целосно се изгубив и затоа сум исфрлен од салата“, објасни Фајсон.
TN State Rep. Jeremy Faison, House GOP Chair, tried to fight and depants a high school basketball referee.
FAISON: "Unfortunately, I acted the fool tonight and lost my temper on a ref. I was wanting him to fight me. Totally lost my junk and got booted … I was bad wrong." pic.twitter.com/qlBttjWZsg
— Heartland Signal (@HeartlandSignal) January 5, 2022