Најважниот фудбалски двобој во историјата на Јужна Америка беше закажан за седми и 28-ми ноември, Бока јуниорс и Ривер плате ќе се борат за титулата најдобар тим на континентот, но едно од најголемите дебија на светот наиде на првата пречка.
За 30-ти ноември, во главниот град на Аргентина е закажан почеток на самитот Г-20, на кој присуствуваат шефовите на 20-те најмоќни држави во светот. Се очекува да дојдат Доналд Трамп, Владимир Путин, Ангела Меркел и останатите најважни фигури од Кина, Саудиска Арабија, Велика Британија, Франција, Јапонија, итн.
Но, на 26-ти ноември почнува целиот настан со состаноци на помалку важните државници, министри и останатите. Мерките за безбедност ќе бидат огромни, ќе има над 20.000 обезбедувачи.
Стадионот „Монументал“, на кој домаќин е Ривер, се наоѓа на шест километри од местото на коешто ќе се држи самитот, а тие денови забранети се какви било собири. Луѓето цел живот чекаа ваков фудбалски спектакл, но политичката моќ е поголема и реваншот нема да може да се игра на 28-ми ноември.
Новиот предлог е мечевите да се играат на 10-ти и 24-ти ноември, но тоа се саботи, кога се играат редовни кола од аргентинската Суперлига, а и телевизиите треба да ги усогласат евентуално новите термини.
