Олимпиецот Рафаел Вилјавиченко од Костарика за малку со живот ќе платеше за тоа што не го почитуваше полицискиот час во земјата. И Костарика, како и сите останати земји во светот, се бори со пандемијата од Коронавирусот.
Рафаел, кој е сурфер, заедно со својот пријател Ное Мар Мекгонагл не можеа да одолеат на големите бранови и решиле да излезат да тренираат, иако тоа било за време на полицискиот час во земјата.
Во еден момент двајца полицајци се обидуваат да ги легитимираат сурферите, а Рафаел започнува да бега. Полицаецот го вади пиштолот и од непосредна близина пука двапати. За среќа, спортистот не беше погоден. Цело време додека бегаше од полицаецот, сурферот во својата рака ја држеше и даската за сурфање.