Бразилскиот ас Нејмар има големи проблеми бидејќи му се заканува затворска казна по обвинувањата дека силувал жена во еден од хотелите во Париз.
Нејмар потоа и сам си направи дополнителни проблеми бидејќи ги објави јавно фотографиите и разговорите од жената што го обвини дека ја силувал.
За неовластено објавување туѓи фотографии во Бразил се лежи во затвор, а казната може да биде пет години зад решетки.
Нејмар моментно е на подготовки во Терсеполис, каде што се наоѓа кампот на бразилската репрезентација, а било забележано присуство на полиција.
Бразил се подготвува за Копа Америка, а Кариоките се домаќини на турнирот што ќе се игра од 14 јуни до 7 јули.
