Еден од натпреварите кои го привлекуваат вниманието во квалификациите за Лигата на шампионите, секако е оној помеѓу шампионите на Полска и Србија, Лех и Црвена ѕвзеда.
Екипата од Белград ја има фаворитската улога, но вниманието е насочено кон навивачите на двете екипи. За мечот во Познањ се мобилизирани полициски сили и од другите региони на Полска, а најавено е присуство и на навивачите на Црвена ѕвезда, кои треба да допатуваат со автобуси и автомобили.
Од полска полиција најавија дека навивачите на „црвено-белите“ ќе бидат со полициска придружба во текот на целата нивна рута и директно ќе бидат спроведени до стадионот, каде ќе бидат детално претресени. Портпаролот на полската полиција најави и дека доколку се мине во најдобар ред, навивачите пријателски ќе бидат испратени и ќе им посакаат среќен пат.
Навивачите на Лех од Познањ се едни од најозогласените во Полска и токму од таму е стравот и на полицијата за евентуелни судири помеѓу приврзаниците на двете екипи.
